Daeth partneriaid o sefydliadau addysg, cyflogadwyedd a chymunedol ynghyd i drafod bylchau sgiliau yn y dyfodol, cyngor gyrfaoedd a phwysigrwydd cynyddol gwybodaeth, cyngor ac arweiniad ystyrlon wedi'i gefnogi gan wybodaeth gywir am y farchnad lafur.
Tynnodd y trafodaethau sylw at yr angen am gydweithio cryfach rhwng darparwyr hyfforddiant, cyflogwyr, sefydliadau cymunedol a gwasanaethau cymorth i helpu i sicrhau bod unigolion wedi'u cyfarparu â'r sgiliau a'r wybodaeth sydd eu hangen ar gyfer cyfleoedd cyflogaeth yn y dyfodol ar draws y rhanbarth.
Daeth cyfraniadau gan Sue Price o Goleg Cambria, Tony McCafferty o Garchar Berwyn, Karen Long o Gymunedau dros Waith a Mwy a Shauni Thomas o Bartneriaeth Parc Caia Cyf.
Diolchwyd yn arbennig hefyd i John Burton o Inside Connections, a gyflwynodd sesiwn ysgogol i grŵp o ddysgwyr Twf Swyddi Cymru ym Mhartneriaeth Parc Caia Cyf, gan annog trafodaeth ynghylch cyflogadwyedd, cyfle a datblygiad personol.
